Компанијата веќе најави план за укинување на околу 50.000 работни места во Германија во периодот од 2024 до 2026 година. Доколку се реализира и новиот план, тоа би претставувало околу 15 отсто од вкупната работна сила на групацијата.
Volkswagen одлуката ја оправдува со зголемената конкуренција, промените во побарувачката и брзиот технолошки развој. Дополнителен проблем е и вишокот производствени капацитети во Европа.
Според компанијата, има вишок капацитет за околу 500.000 возила, а за четири германски фабрики – во Емден, Цвикау, Хановер и Некарсулм – не може да се гарантира доволно производство во периодот од 2031 до 2034 година.
Кризата на Volkswagen е дел од пошироките проблеми на германската автомобилска индустрија. Производителите се соочуваат со послаба побарувачка, побавен раст на продажбата на електрични автомобили и силна конкуренција од кинеските производители.
Доколку планот биде реализиран, укинувањето на околу 100.000 работни места би било едно од најголемите намалувања на работната сила во историјата на европската автомобилска индустрија.
Промените би можеле да имаат последици и за бројни добавувачи и партнери на Volkswagen, што дополнително ја зголемува загриженоста за германската автомобилска индустрија.