Измените на Законот за безбедност на сообраќајот на патиштата стапи на сила на 14. јули, а досега се изречени 12 парични казни. Како што соопштуваат од МВР за Скопје Инфо засега не се одземени тротинети.
Законот е објавен во Службен весник на 06.07.2026, а во сила стапи осмиот ден од денот на објавувањето.
- Од страна на Одделението за безбедност на патиштата и сообраќајот, почнувајќи од 14.јули преземени се следниве мерки:
-три мерки за управување електричен тротинет без користење заштитен шлем (кацига) – глоба во износ од 50 евра,
-нема одземени тротинети, информираа од полицијата.
Дополнително преземени се 10 мерки по останатите членови и тоа:
- девет мерки за управување електричен тротинет по површина на која не е дозволено движење на ваков вид возила – глоба во износ од 80 евра;
- една мерка за користење мобилен телефон при управување на електричен тротинет - глоба во износ од 100 евра.
Сите преземени мерки се однесуваат на полнолетни лица, појаснуваат од МВР.
Иако на сила е забраната за управување на електрични тротинети од страна на малолетници, изминатиот викенд во полиција е пријавена сообраќајна несреќа во Скопје во која учествувале токму деца со тротинет.
Имено, двајца 15-годишници се повредени во сообраќајна несреќа што во саботата попладне се случила во Скопје, при судир меѓу патничко возило и два електрични тротинети.
За овој случај од МВР за Скопје Инфо информираат дека се превземаат законски мерки.