Дебатата повторно се разгоре откако на социјалните мрежи се појави фотографија од известување во здравствена установа, на кое пишува дека препораките од ChatGPT не можат да бидат причина за лекарски преглед и дека расправањето со лекар врз основа на одговорите од AI не е соодветно.
Во коментарите, бројни корисници споделија искуства дека токму ChatGPT или други AI алатки им помогнале да насочат кон точна дијагноза по месеци погрешни проценки, додека други предупредија дека ваквите алатки не смеат да се користат како замена за медицински преглед.
Лекарите признаваат дека сè почесто се среќаваат со пациенти кои претходно се консултирале со вештачка интелигенција. Според нив, тоа може да помогне пациентите подобро да ги разберат своите симптоми, но AI нема клиничко расудување, не може да го процени целокупното здравје на пациентот и не треба да поставува дијагноза или да препишува терапија.
Експертите нагласуваат дека вештачката интелигенција може да биде корисна како извор на информации и поддршка, но конечната проценка и одлуката за лекување секогаш треба да ја донесе лекар по соодветен преглед.